TŠHUPAPOPEGO YA PHETOGO YA BOTO YA NOŠETŠO
MOLAOTHEO
WA ...
LEKGOTLA LA BADIRTIŠI BA MEETSE
LEINA LA LEKGOTLA
Leina la Lekgotla ke ...
Lekgotla la Badiriši ba Meetse ( go tloga fa go tla thwe "Lekgotla").
TŠHOMIŠO YA MOLAO WA MEETSE WA 1998 GODIMO GA MOLAOTHEO
Molaotheo wokhwi o laolwa ke dipeakanyetšo tša Molao wa Meetse wa Setšhaba wa 1998 (Molao wa 36 wa 1998) go tloga fakhwi go tlo thwe ke Molao, kudu Kgaolo ya 8 ya wona gammogo le Šetulo 4 go Molao go ya ka mo e fetotšwego nako le nako ke Tona ya Ditaba tša Meetse le Kagodikgwa, yoo mokhwi go thwego ke Tona gomme e tšwelelago bjalo ka Koketšo 1 go Molaotheo
DINEPO LE LEFELO LA TŠHOMO LA LEKGOTLA
Dinepo tša Lekgotla ke ...
hlalosa mabaka ka boripana a go ba gona ga lekgotla.
Lefelo la tšhomo la Lekgotla ke ...
Bona ditemana 5.4.4.3 gop ya go 5.4.4.6 tša Mošupatsela go Phetogo ya Diboto tša Nošetšo le Diboto tše dingwe goba Lekgotla la Badiriši ba Meetse, ka morago go thwego ke Ditšhupatsela.
Akaretša tše di latelago: Tlhalošišo ya mothopo wo o tlogo laolwa
Meetse a ka fase: Tlhalošišo ya lentswemeetse/sediba
Mellwane ya Leboa, Bohlabela le Bodikela
Dilete tša Masetrata, lefelo la taolo ya Meetse & Profense
Tumelelo ya tirišo ya meetse mabapi le methopo ya meetse ye e tlogo laolwa.
MEHOLA YE MEGOLO YA LEKGOTLA
Mehola ye megolo ye e tlogo phethagatšwa ke Lekgotla lefelong la lona la tšhomo ke –
Go thibela tshenyo ya meetse go tšwa go mothopo wo mongwe le wo mongwe.
Go šireletša methopo ya meetse le mediromeetse.
Go thibela tšhomišo ye e sego ya semolao ya meetse.
Go tloša goba go beakanyetša go tloša lepheko lefe le lefe le le sego molaong le le beilwego moeleng wa meetse goba modiromeetse.
Go thibela tiro ye e sego molaong yeo e kago fokotša boleng bja meetse ka mothopong ofe le ofe wa meetse.
Go šomiša tlhapetšo ya kakaretšo godimo ga methopo ya meetse le mediromeetse.
Go laola moela wa mothopo ofe le ofe wa meetse goba modiromeetse ka go –
hlwekiša kanale ya wona;
fokotša kotsi ya tshenyo nageng lebakeng la mafula;
fetola moela wa meetse go o bušetša moeleng wa wona wa peleng moo o fetošitšwego ke dihlodi tša tlhago.
Go nyakišiša le go rekota –
bokaakang bja meetse maemong a a fapanego a kelo ka go moela wa meetse goba modiromeetse;
di nakong tša ge; le mafelong ao meetse a ka dirišwago ke motho ofe le ofe yo a nago le tokelo ya go diriša meetse go tšwa go mothopo wa meetse goba modiromeetse.
Go aga, reka goba go hwetša ka tsela ye nngwe, laola, diriša le go hlokomela mediro ya meetse ye go tšewago gore e a nyakega mo go –
pšhešong ya naga; le phepo ya meetse go ya nageng go nošetša goba go mehola ye mengwe.
Go hlapetša le go laola kabo le tšhomišo ya meetse go tšwa go mothopo wa meetse go ya ka ditokelo tše maleba tša tšhomišo ya meetse, ka go aga le go hlokomela ditlabakelo tše di amogetšwego, goba go nyaka gore maloko a age le go hlokomela ditlabakelo tše di bjalo ka ditshenyegelo tša ona tša go –
Go fega goba go fokotša kabo ya meetse go tšwa go modiromeetse le/goba mothopo wa meetse ka fase ga taolo ya yona go ya ka moo go nyakegago malebana le phethagatšo ya ofe le ofe wa mehola goba ka mabaka a a nyakegago tirišong ye e nepagetšego le tšhireletšo ya modiromeetse goba mothopo.
Lekgotla le ka phethagatša mehola go ena le mehola ye megolo ya lona ge fela go se na le kgonagalo ya go re –
a go ka fokotšwa makgone a Lekgotla a go phethagatša mehola ya lona ye megolo; le b go ama gampe tša ditšhelete tša lona goba maloko a lona.
Mehola ye mengwe ya Lekgotla e ka tsenya gare –
a peakanyetšo ya taolo ya ditirelo, tlhahlo le ditirelothekgo tše dingwe go –
dihlongwa tša ditirelo tša meetse; le ditšhaba tša magaeng b beakanyetša taolo ya ditirelo tša boelelo go goba legatong la ditaolo tše di ikarabelago.
Malokomotheo a Lekgotla ke maloko a a lego gona a a kgethilwego a Boto ya ... , bjalo ka ge go beilwe ka go Koketšo 2 ya molaotheo, gore ke Boto efe ye e swanetšego go fetošwa go ba Lekgotla la Badiriši ba Meetse go ya ka dipeelano tša karolo 98 ya Molao gomme maloko a lona a dumeletšego maloko a Boto a a kgethilwego go šoma legatong la ona ka nepo ya go tšweletša phetogo.
Molokotheo, ka nepo tša go rulaganyetša kgetho ya mathomo ya Komititaolo, a tla tšewa go ba Komititaolo ya Lekgotla ka maatla le mediro ye e beetšwego fela go rulaganya kgetho go ya ka molaotheo.
BOLELOKO BJA LEKGOTLA
Motho mang le mang yoo, go ya ka dipeelano tša karolo 22 ya Molao, go tlogelwa karolwana (a) (i) ya tšona, o na le tokelo ya go diriša meetse gomme a ka šomišago tokelo go tšwa go mediromeetse le /goba methopo ka fase ga taolo ya Lekgotla, a ka ba leloko la Lekgotla.
Maloko a mathomo a Lekgotla, ao maina a ona a tšwelelago ka go Koketšo 3 ya molaotheo wo, ke:
a maloko a bjale a Boto ya ... ao e bago maloko a Lekgotla; le b batho ba bangwe ka gare ga lefelo la tšhomo la Lekgotla mme ba nago le tokelo ya bjale ya semolao ya go diriša meetse gomme ba kgopetšego Komititaolo ka go ngwala go ba Maloko a Lekgotla gomme dikgopelo tša bona di amogetšwego.
Kgopelo ya boleloko bjo bofsa bja Lekgotla e swanetše go lebišwa go Komititaolo, yeo mo kopanong ya Komiti e swanetšego go lekola kgopelo le go e amogela ge e se fela ge go na le lebaka le le kwalago la go e gana.
Lekgotla le swanetše go dumelela motho go ba leloko la Lekgotla ge le laetšwe ke Tona go dira bjalo.
Leloko le ka itokolla fela bjalo ka leloko la Lekgotla ka tumelelo ya Komititaolo, yeo e ka se kego ya gana ka ntle le lebaka kamogelo ya lona.
Boleloko bja Lekgotla bo a fedišwa ge tokelo ya leloko ya go diriša meetse e fela.
REJISTARA YA MALOKO
Maloko ka moka a swanetše go tsebiša diatrese tša ona nako le nako go motho yoo a šomago bjalo ka mongwaledi wa Lekgotla, yoo a swanetšego go ngwadiša maina a maloko le diatrese tša ona.
DITOKELO TŠA MALOKO
Boleloko bja Lekgotla ga bo fe leloko lefe le lefe tokelo go ditšhelete dife le dife, thoto goba matlotlo a Lekgotla, eupša bo fa maloko fela ditshwanelo tša boleloko, ka taolo ya ditefo le dithibelo tše di kwalago, tše di ka nogo bewa ke Komititaolo nako le nako.
Leloko la Lekgotla le tlamilwe ke molaotheo le melawana ya Lekgotla go ya ka mo e fetotšwego nako le nako.
MELATO YA MALOKO LE DITOKELO TŠA TŠHOMELO
Melato ya tšhelete ya maloko e fihla fela go seroto se sa lefšago sa ditefo le tswala tše ba di kolotago Lekgotla, eupša ka kelotlhoko ya dipeakanyetšo tša karolo 60 ya Molao mabapi le ditefo tše di šaletšego tša naga.
Mo modiro ofe le ofe wa meetse wa Lekgotla o tshwenyanago goba o selaganyago thoto ya leloko lefe le lefe, Lekgotla le tla ba le ditokelo ka moka tša tšhomelo tše di nyakegago go diriša ka tshwanelo mehola ya Lekgotla le dipeakanyetšo tša Molao, kudu dikarolo tša 126, 127 le 128 tša wona di tla šoma.
Leloko lefe le lefe la Lekgotla, ka taolo ya dikganelo tše di akanywago ka go Šetulo 4 ya Molao, le ge fela leloko le se la šalela ditefong ka matšatši a 180, go tsenywa gare tswala ye e lebanego Lekgotla, le a kgethega go ba setho sa Komititaolo. Leloko le tla ba le tshwanelo ya go kgethwa bjalo ka leloko la Komititaolo la karolwanafelo ya tikologo yeo leloko le dulago go yona, goba leo go yona a nago le tokelo ya go diriša meetse.
TŠHIŠINYO YA, LE GO BOUTELA MALOKO A KOMITITAOLO
Motho mang le mang yoo leina la gagwe le lego lenaneong la bakgethi gomme a se a šalela ka matšatši a 180 ditefong tša gagwe go akaretšwa tswala ye e lebanego Lekgotla, a ka šišinya bonkgetheng ba kgetho bjalo ka maloko a Komititaolo gomme ba bouta mo kgethong ya maloko a Komiti. Motho yoo leina la gagwe le tšwelelago lenaneong la bakgethi la karolwanafelo ya karolotšhomo ya Lekgotla, o tla ba le tokelo ya go šišinya bonkgetheng le go bouta ka go dikgetho tša karolwanafelo.
Komititaolo ya Lekgotla e tla bopša ke maloko a ...
GOBA
Komititaolo ya lefelotšhomo la Lekgotla ka botlotla e bopiwa ke ...
a Motho/batho ba --------- ba ba kgethilwego bjalo ka leloko/maloko a Komititaolo ke bakgethi ba ba lego lenaneong la bakgethi la karolwanafelo 1 go ya ka mo go beilwego ka go Koketšo go Molaotheo;
b Motho/.batho ba -------- ba ba kgethilwego ke bakgethi ba ba lego lenaneong la bakgethi la karolwanafelo 2 go ya ka mo go beilwego ka go Koketšo go Molaotheo wo;
c Batho ba ---------- ba šišinywa ke badiriši ka bobona ba meetse, eupša bao go ya ka tokelo ya hlogwana ya ya Molaotheo e sego moloko a Lekgotla;
d Batho ba ---------- ba tlogo šišinywa ke balemi ba ba tšwelelago ba bannyane bao go ya ka tokelo ya hlogwana ya 7 ya Molaotheo e sego maloko a Lekgotla; le e Motho/batho ba ------- ba swanetšego go šišinywa ke Dipušo tša Tikologo tše di nago le kgahlego ka go phepo ya meetse ya Lekgotla, ge fela maloko ao a kgethilwego a karolwanafelo a ka fiwa mabaka a a itšego ke Komititaolo gomme a amanago le go tšewa ga meetse ka gare ga lefelo la boikarabelo la dikarolwanafelo gomme ka lebaka lona leo ba šomago bjalo ka Komititaolo ya karolwanafelo ka tokelo ya go hlaola maloko afe le afe a a šišinywago mo go Komititaolo ya Lekgotla ka botlotla ge dikgahlego tša bona di ka ba mo kotsing.
Tšhišinyo ye e ukangwego ka go hlogwana ya 13.1 © le (d) ka godimo, e ka no, ge sehlopha sa kgahlego se rata, etwa pele ke kgetho ya ka gare.
Maloko a a ukangwago ka go hlogwana 13.1 (a) le (b), ka taolo ya kganetšo ka go hlogwana ya 11 ya Molaotheo, bewa paka ye e tlemilwego ya mengwaga ye meraro, ge fela kgethong ya mathomo ya maloko a Komititaolo ya Lekgotla dipeelano tša maloko di beilwe ka matengwa motheong wa –
a teetharpong ya maloko paka ya ngwaga ye meraro;
b teetharong ya maloko paka ya mengwaga ye mebedi;
c Mašalela a maloko paka ya ngwaga o tee.
Dipaka tša leloko/maloko a a šišintšwego a ukangwago ka go –
a hlogwana 13.1 c ya Molaotheo paka ya ngwaga o tee, ka taolo ya tšhišinyo ya dipaka tše dingwe tša ngwaga o tee le lengwe le le lengwe e fihla fela go maksimamo wa dipaka tše di latelanago tša mengwaga ye meraro; le b Hlogwana 13.1 d ya Molaotheo e le ya paka ya ngwaga o tee, ka taolo ya paka ye nngwe le ye nngwe ya ngwaga o tee le lengwe le le lengwe.
Ge go ka hlaga sekgoba ka go Komititaolo, sekgoba se swanetše go tlatšwa go ya ka hlogwana ye, ge fela leloko le swanetše go kgethwa goba, moo go dirišegago, le šišinywe paka ya go lekana le paka ye e šetšego yeo leloko le le tlogetšego kantoro le bego le tlo tšwela pele le le ka go yona.
Bonnyane tsebišo ya matšatši a 30 e swanetše go fiwa maloko ka moka a Lekgotla le le amegago.
Maloko ka moka a Komititaolo a ka kgatha tema ka botlalo malebana le diphetho ka ga ditaba tša taolo ya meetse le kabo ya gona ya ditšhelete. Le ge go le bjalo, ke maloko fela ao a nago le kgahlego ka go mediro ya meetse ye itšego a kago kgatha tema gomme a bouta mabapi le diphetho tše di lebanego le mediro yeo ya meetse. Modulasetulo wa Komititaolo o tla tšea sephetho ge e le gore leloko le na le tokelo ya go bouta mabapi le taba ye itšego.
Lekgotla le sekegela nyakego ye e beilwego ka go karolo 2 ya Molao mabapi le go kgonthiša kemedi ya setšhaba se maleba, mohlobo le bong gomme la ikgafela mo go tlhatlošong ya tšhomišo ya gona go fihlela moo Lekgotla ka nnete le kgonago go dira bjalo.
Ge ka morago ga tshepetšo ya kgetho goba tšhišinyo, tlhamo ya Komititaolo ye e ukangwago ka go hlogwana ya 13.1, ya felela ka kemedi ya bong bjo itšego goba mohlobo mo komiting, modulasetulo o swanetše go kgopela maloko ka moka a Lekgotla le dihlopha tša kgahlego tše di ukangwego ka go hlogwana 13.1©, mo matšatšing a 21 morago ga tsebišo, go šišinya batho ba bong bjoo goba mohlobo bao ba dumetšego seo gomme ba ka no se bego maloko a Lekgotla goba badiriši ba meetse, go šoma mo go komititaolo ya Lekgotla ge fela ba na le kgahlego mo go tšhomišo ya meetse tikologong ya bona. Modulasetulo o swanetše go kgetha morago ga go fela ga paka ya tšhomišo ka matengwa o tee wa bašišinywa paka ya ngwaga o tee.
PEO YA MODULASETULO LE MOTLATŠAMODULASETULO
Morago ga kgetho ya Komititaolo, maloko a Komiti yeo a swanetše go kgetha modulasetulo le motlatšamodulasetulo go tšwa magareng a maloko a bona. Komititaolo e ka no kgetha motho yo mongwe le yo mongwe go ba mosepediši wa ditaba mabapi le tiragalo yekhwi.
GOBA
Morago ga kgetho ya Komititaolo, maloko a lekgotla a swanetše go kgetha modulasetulo le motlatšamodulasetulo wa Lekgotla go tšwa go maloko ao a kgethilwego a Komititaolo. Maloko a Lekgotla a ka no kgetha motho mang le mang go ba modulasetulo mabapi le taba yekhwi.
Modulasetulo le motlatšamodulasetulo ba ba maemong akhwi paka ya dikgwedi tše 12 go tloga go tšatšikgwedi la kgetho ya bona gomme ba ka no kgethwa gape.
Ge paka ya modulasetulo goba motlatšamodulasetulo e fela, motho yoo o tla, ge fela a dula e le leloko la Lekgotla, dula ka ofising go fihla mo kopanong ye e latelago ya Komititaolo.
Modulasetuloi le motlatšamodulasetulo ba bafsa ba Komititaolo ba tlo kgethwa ngwaga ka ngwaga. Ge ye nngwe ya dikgoba tše e ka bulega pele ga go fela ga paka, gona sekgoba seo se swanetše go tlatšwa semeetseng go ya ka tshepedišo ye e beilwego hlogwaneng yekhwi.
LENANEO LA BAKGETHI
Malokomotheo a Lekgotla a swanetše go kgetha motho gore a lokiše lenaneo la bakgethi la kgetho ya pele ya maloko a Komititaolo. Lenaneo la bakgethi le swanetše go bontšha–
a maina a bakgethi ka moka ba ba akareditšwego ka go Koketšo 2 go molaotheo mme, moo go lebanego, leina la moemedi wa lelko leo yo a nago le ditshwanelo;
b ditaba ka botlalo tša tokelo ya leloko le lengwe le le lengwe ya go diriša meetse; le
palo ya dibouto ye mokgethi a swanetšego go ba le yona.
Ge lefelo la tšhomo la Lekgotla le arotšwe ka dikarolwana, gona le lenaneo la bakgethi le swanetše go arolwa go ya ka dikarolwana le dintlha tše di šupilwego ka go hlogwana di swanetše go bontšhwa ka fase ga dikarolofelo tšeo.
Palo ya diboutu e tla laetšwa ka tsela ye e latelago –
Bouto e tee go tokelo ya go diriša meetse
GOBA
Palo ya tekatekano ya dibouto ka bogolo bja bokaakang bja meetse a a dumeletšwego ka fase ga tokelo ye itšego, ge go bapetšwa le palomoka ya bokaakang bja meetse ka fase ga ditokelo ka moka tše di ngwadišitšwego go Lekgotla. Ka palelo yekhwi dipalophatlo ka moka di swanetše go rumiwa go ya go palo ye kgolwane ye e latelago.
GOBA
Palo ya go lekalekana ya dibouto ka tekanyetšo ya bokaakang bja meetse a a dumeletšwego ka fase ga ditokelo ka moka tše di ngwadišitšwego ke Lekgotla. Mo palelong yekhwi –
i dipalophatlo ka moka di swanetše go rungwa go ya go palo ye kgolwane ye e latelago ii ga go leloko le le tlogo fiwa dibouto tša go feta tše 10.
GOBA
Bouto e tee go dihektara tše dingwe le tše dingwe tše tlhano goba karolo ya dihektara tše tlhano tša naga tšeo di ka nošetšwago go ya ka dipeelano tša tokelo ya leloko.
GOBA
Bouto e tee go dihektara tše dingwe le tše dingwe tše tlhano goba karolo ya dihektara tša naga yeo e ka nošetšwago go ya ka dipeelano tša tokelo ya leloko, ge fela go ka se be le leloko leo le tlogo fiwa dibouto tša go feta 10.
Ge tokelo ya go diriša meetse e se ka leina la motho ka noši, mong wa yona o swanetše go šišinya moemedi yo a nago le maswanedi yoo leina la gagwe le swanetšego go tšwelela go lenaneo la bakgethi gomme a kago bouta
Ge tokelo e le ka leina la batho ba babedi goba batho ba go feta ba swanetše go hlaola o tee wa palo ya bona go ba emela gomme leina la motho yoo le swanetše go tšwelela mo go lananeo la bakgethi gomme a ka kgona go bouta.
Komititaolo e swanetše go sekamolla lenaneo la bakgethi ngwaga ka ngwaga le ge go na le phetošo go lefelo la tšhomo la Lekgotla.
PEO YA BADIREDI
Komititaolo e ka thwala batho ba e lego gore e bona ba nyakega go diragatša mehola ya Lekgotla ka fase ga molaotheo wokhwi.
Thwalo ya badiredi goba phetogo mo go ditlamo tša bona tša tirelo di swanetše go amogelwa ka sephetho sa Komititaolo.
Badiredi ka moka ba Lekgotla ba tla šoma le ge go ka ba le phetogo efe le efe mo go tlhamego ya boleloko bja Komititaolo.
------------ ya WUA e tla hlalosa ditšhupaphethagatšo tša phetogo ka go lenaneokgwebo la yona. Mafelo a dipoelo tše bohlokwa a a itšego a tla akaretša kemedi mo go tlhamego ya komititaolo le peo ya badiredi.
------------- ya WUA e ikgafetše go dumelelana le, gare ga tše dingwe, molao wa thwalo wo o latelago (diphetošo), moo go lebanego:
i Molao wa Tekatekano ya Thwalo wa 1998 Molao wa 55 wa 1998
ii Molao wa Ditlamomotheo tša Thwalo wa 1997 Molao wa 75 wa 1997
iii Molao wa Dikamano tša Modiro wa 1995 Molao wa 66 wa 1995
iv Molao wa Tlhabollo ya Makgoni wa 1998 Molao wa 97 wa 1998
v Molao wa Tlhako ya Tokelo ya Morero wa Khwetšo wa 2000 Molao wa 5 wa 200
--------------ya WUA e ikemišeditše go lokiša ditlhokatekano tša lebaka le le fetilego ka go fokotša ditlhokatekano ka tswalano le dikabelo tša meetse go ya ka dipeelano tša karolo ya 25 ya Molao wa Setšhaba wa Meetse wa 1998.
KGOBOKETŠO YA DIKADIMO
Komititaolo e ka kgoboketša ditšhelete dife le dife tše e di nyakago malebana le go phethagatša mehola ya yona ka tlase ga molaotheo, ka tsela ya dikadimo, go akaretšwa le diobaterafo (bank overdrafts) tša dipanka
Nako le nako ge Komititaolo e šišinya go hwetša kadimo, e swanetše go ngwala tsebišo mabapi le maikemišetšo a yona, e tšweletša dintlha ka botlalo tša tšhišinyo ya yona. Tsebišo e swanetše go fiwa leloko le lengwe le le lengwe la Lekgotla matšatši a 21 pele ga tšatšikgwedi la kopano ya Komiti moo tšhišinyo yeo e tlogo senkwa. Ge go le bjalo, kopanokakareretšo ye e sego ya mehleng moo maloko ka moka a laleditšwego, e swanetše go bitšwa go tlo kwa dikgopolo tša maloko.
Ga go kadimo yeo e swanetšego go dirwa go se na le sephetho sa Komititaolo se se tšerwego kopanong yeo go lego palo ye e sego ka fase ga peditharong ya maloko a komiti e lego gona. Kopano yekhwi ya Komititaolo e ka swarwa fela morago ga ge go swerwe kopanokakaretšo ye e sego ya mehleng ye e boletšwego ka godimo.
DITEFO LE KHWETŠO YA DITEFO
Mabapi le go lefela tshenyegelo efe le efe ye Komititaolo e ka bago e bile nayo ka molao goba e ka bago le yona ka semolao ge e phethagatša mehola le mediro ya yona, e ka ela ditefo ngwaga ka ngwaga godimo ga maloko go ya ka leano la go bea theko la tšhomišo ya meetse le le beilwego ke Tona. Kelo e swanetše go ela hloko tekanyetšo ya tšhelete yeo e dirilwego ke Komititaolo ya karolwanafeloolefe le efe go akarešsa tlhokomelo ya tšhomo le dinyakwa tša kaonafatšo mabapi le mediro ya meetse tše di sepedišwago le go laolwa ke Komiti yeo.
Komitaolo e ka ikhweletša ditefo tše di etšwego e ka ba go tšwa go-
a beng ba naga ba ba amegago; goba b motho ofe le ofe yoo naga ya gagwe e fepšago ka meetse.
Neng le neng ge Komititaolo e etše tefo, Komiti e swanetše go lokiša lenaneo la kelo le le beakanyago –
a leina la leloko leo le lebanwego ke go lefa ditefo;
b tlhaloso ya seripana sa naga, seo e ka bago lefelo le le segilwego ka tsela ye itšego, yeo tefo e etšwego go yona;
c bokaakang bja meetse goba paka ya go a hwetša yeo leloko le nago le tokelo le yona;
d seroto sa tefo yeo e etšwego e tšatšikgwedi goba matšatšikgwedi ao ditefo di nyakegago le seroto se se nyakegago tšatšikgweding ye nngwe le ye nngwe; le f kelo ya tswala ye e lefiwago ge go se tefo, le tšatšikgwedi leo tswala e thomago go lona.
Kopi ya lenaneo la kelo e swanetše go dula e butšwe ka kantorong ya Lekgotla dinakong ka moka tše maleba gore le hlahlobje ke leloko lefe le lefe.
Ge ka morago ga tsebišo ye maleba, tefo efe le efe, go tsenywa gare tswala ye e labanego Lekgotla, e šaletše ka matšatši a go feta 90, Lekgotla go ya ka tokelo le maatla ao le a filwego go ya dipeelano tša karolo 59 ya Molao, le ka re ka ntle le go tsebiša leloko gape, la koleka seroto se se nyakegago ka go ntšha ditagafala ka go kgoro ya Masetrata yeo e laolago tikologo yeo, go sa lebelelwe gore seroto seo se amegago se kaakang, gomme ge go le bjalo leloko le tla rwala boikarabelo bja ditshenyegelo ka moka tša go koleka le tša semolao, go akaretšwa le ditshenyegelo tša ramolao le modirelwa.
PEGO YA NGWAGA
Tshepedišo go ya ka moo e belwego ka go Šetulo 4 ya Molao e a dirišwa.
GOBA
Gareng ga dikgwedi tše tharo morago ga mafelelo a ngwaga wa ditšhelete wa Lekgotla, Komititaolo e swanetše go bitša kopanokakaretšo ya maloko gomme moo kopanong yeo e swanetše go –
a hlagiša pego ya ditšhelete ye e hlakišitšwego ya diakhaonto tša Lekgotla tša ngwaga wo o fetilego, go akaretšwa dintlha ka botlalo tša megolo ye e lefilwego ke Lekgotla go maloko a Komititaolo le badiredi ba Lekgotla; le b go fa pego go maloko mabapi le ditiro tša yona gareng ga ngwaga.
PHATLALATŠO
Lekgotla le ka phatlalatšwa ka sephetho seo se tšerwego kopanongkakaretšo ye e sego ya mehleng mme e swaretšwego lona lebaka lekhwi, ge fela –
a sephetho seo se tšerwe ke bontši bja peditharong bja maloko a a lego gona gomme a nago le tokelo ya go bouta moo kopanong; le b sephetho se tiišeditšwe go kopanokakaretšo ye nngwe gape yeo e swarwago ka fase ga dibeke tše nne morago kopanokakaretšo ye e sego ya mehleng ya pejana ga yona ka bouto ya bontši bja maloko ao a nago le tokelo ya go bouta.
Kopano yeo e fetiša sephetho se se ukangwego ka go karolwana (i) ya molaotheo wokhwi e ka buša ya tšea diphetho ka bouto ya bontši mabapi le –
a go bewa ga molikwiteita; le b phatlalatšo ya tšhelete ye šetšego le matlotlo a Lekgotla morago ga go ruma le morago ga tefo ya melato ka moka le ditlamego tša Lekgotla, ge fela matlotlo a mašalela a ka no šutišetšwa go Lekgotla goba sehlongwa se se nago le dinepo tša go swana le tša Lekgotla goba go Tona.
GOBA
Ditaba tša Lekgotla di tla tswalelwa ke motho yoo a beilwego ke Tona go ya ka ditaelo dife le dife tše di filwego ke Tona, ka taolo ya karolo 97 ya Molao.
PHETOŠO YA MOLAOTHEO
Ka tumelelo ya Tona, molaotheo wa Lekgotla o ka no fetošwa ke maloko a Lekgotla ge fela –
a kopano ye e sego ya mehleng ya maloko yeo e bileditšwego taba ye, e boutela phetošo ye bjalo, ge fela bontši bja bonnyane peditharong bja maloko bjo lego gona kopanong gomme bo emelago 20% tša maloko a Lekgotla go ya ka lenaneo la yona la babouti la bjale, le hweditšwe;
b tsebišo go maloko e na le phetošo ye e ngwadilwego gomme e šetšego e rometšwe go maloko matšatši a a sego ka fase ga 21 pele ga tšatšikgwedi la kopano; le c diphetošo fela, go phetošo ye e ukangwago, tšeo go filwego tsebišo mabapi le tšona, di a ahlaahla gomme tša boutelwa kopanong ye bjalo.
ELA HLOKO:
Tše di thaletšwego ke dikoketšo go Mmotlolo wa molaotheo le Ditšhupatsela, bjalo ka ge di le ka go Koketšo go Ditšhupatsela,
